କାନାଡା ଗୁଳିକାଣ୍ଡରେ ଏକାଧିକ ଲୋକ ମୃତ ଆଶଙ୍କା

ଭାଙ୍କୋଭର : କାନାଡାର ବ୍ରିଟିସ କଲମ୍ବିଆରେ ସୋମବାରଦିନ ଏକ ଗୁଳିକାଣ୍ଡ ହୋଇଥିବା ଖବର ହସ୍ତଗତ ହୋଇଛି । ଏହି ଗୁଳିକାଣ୍ଡରେ ଏକାଧିକ ଲୋକ ମୃତ୍ୟୁବରଣ କରିଥିବା ଜଣାଯାଇଛି । ତେବେ ପ୍ରକୃତ ମୃତ୍ୟୁସଂଖ୍ୟା କେତେ ସେ ସମ୍ପର୍କରେ ପୁଲିସ ପକ୍ଷରୁ କୌଣସି ସୂଚନା ଦିଆଯାଇନାହିଁ  ।

ବ୍ରିଟିଶ କଲମ୍ବିଆର ଲାଙ୍ଗଲି ସହରର ଅଲଗା ଅଲଗା ସ୍ଥାନରେ ଏହି ଗୁଳିକାଣ୍ଡ ହୋଇଥିଲା । ଏହି ଗୁଳିକାଣ୍ଡ କଥା ଜଣାପଡ଼ିବା ପରେ ପୁଲିସ ପକ୍ଷରୁ ସ୍ଥାନୀୟ ଲୋକମାନଙ୍କୁ ଘରେ ରହିବାକୁ ଓ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି । ସୋମବାର ସକାଳୁ ପୁଲିସ ପକ୍ଷରୁ ଏକ ଏସଏମଏସ କରି ଲୋକମାନଙ୍କୁ ସତର୍କ କରିଦିଆଯାଇଥିଲା । ବିଶେଷକରି ଲାଙ୍ଗଲି ସିବିଡିଠାରୁ ଦୂରେଇ ରହିବାକୁ ପୁଲିସ ଲୋକମାନଙ୍କୁ ପରାମର୍ଶ ଦେଇଛି ।